瘋癲的狗

長舌(化名)係一頭瘋癲的狗，佢條利唔知點解長期條條fing出黎，唔識縮返入個口

唔知係咪咁搞到佢好爆燥，好彩佢得條利，冇乜牙

長舌的罪證

所以佢冇咬到我爆缸，頂多爆血管

佢幾識揀，揀我手臂內側皮薄個位黎咬，多得佢唔少

山去(化名)係一頭瘋癲的狗，比長舌更瘋一籌

佢好明顯俾主人縱壞左，直情係大少爺

明明只係一頭小狗，但係就學人住大籠(大籠比細籠貴)

要食私家糧，仲要係惹味番茄通，唔怪得佢有diabetis

對佢好佢會恩將仇報，咬返你轉頭

我永遠唔會搞佢、埋佢身

angelababy(化名)係一頭瘋癲的狗，係全場最癲

癲到餵野食又咬，滴眼藥水又咬，換條毛巾都咬

經過佢個籠，企係佢前面乜都冇做，掂都未掂就吠定先

我唔想佢餓死或者渴死，因為我根本幫唔到佢換水換食物

點解咁多瘋癲的狗...

工作了一個月，總結一下

~一開始返工都幾辛苦，尤其呢份工要走走that that，體力勞動，晚晚都要用osim按摩我對扁平足，而家好少少，雖然仲係會企到痛，但係好處係一定唔會肥lor，唔會有OL病

~我成日覺得，名義上我係trainee，實質上係做清潔，不過而家發覺做留院先可以學到最多basic野，打好基礎。之前好想快d跟醫生，但其實一開始乜都唔識就跟醫生反而好難pick up

~留院部，10隻有8隻狗都係惡，貓更加不在話下，而家我最大困難都係handle animal方面，自己冇經驗，對住d惡野真係唔知點算，一黎保護唔到自己，二黎怕傷到醫生仲衰，最worst就係搞到隻動物，有乜e郁都好難同主人交代

~覺得狗同未識講野ge小朋友冇分別架其實，除左人唔會咬人lor，兩者都係好難理解，唔知佢想表達d乜，但同樣可以好aggressive，aggressive分2種，一種係可愛型見到你就超hyper，另一種好明顯係惡死型，好多狗其實都俾我地留院部歸類為後者，仲會俾我地highlight佢個留院板"aggressive x100000"

~同事心聲:無論貓狗，只要係白色，唔理佢幾可愛幾乖，暗地裡都係癲，一發起癲幾個人都捉唔住，所以唔可以100%信佢地唔會咬人....I believe it's true

~返工第3日俾隻白色北京咬

~返工第4日俾大老細話，隻死左一半ge貓擺左入黎我個口

~返工第x日俾針吉親.......AGAIN!!!!我前世係咪同針有親定有仇?????

~北京狗係我討厭狗種排行榜第一位，點解咁多hk人養北京狗?

~試過同一隻老虎狗搏鬥，佢外表笨重又肥，我出盡飲奶ge力豆佢返入籠，就o係我閂門ge0.1秒佢轉身衝返出黎，我又再豆佢返入去，repeat又repeat，睇唔出佢反應咁快!癡線

~有隻8哥超hyper(雖然都可愛)，曉坐跑再撲上你個身，但係佢係戴住頭罩，如果我真的受傷了絕對唔係因為隻動物，係因為個頭罩

~一隻比較溫馴的洛威拿follow我呢個陌生人ge指示：sit、hand、up、down，證明洛威會服從性真係好高，當然佢始終都係有攻擊性

~d主人可唔可以唔好再叫隻狗做BB、bobby、bobo、lui lui、mui mui、仔仔

~黃日華同我講左一句說話同埋笑左一笑，我想同佢講我記得佢做ge天地豪情同天龍八部^^

~最經典要數unlucky(化名)同佢主人，unlucky spinal有事行唔到要成日訓o係到，初初黎到佢係喪吠，嘈到爆，個主人又麻煩，要我地每個鐘記底隻狗做梗咩！一隻狗住院可以做d咩呀？barking,eating,sleeping,siting,looking around.........後期仲有dreaming,making love.....當然呢2樣係講笑的，其實真係nothing to do lor!主人仲要擺舊水晶o係到，邊個都唔店得，日日有2個工人探佢同佢做massage，how lucky she is。可幸，前日unlucky終於可以唔洗我地幫而自己坐起身同行左幾步，為左痾屎(之前係全身除左個頭郁到，所有食野坐底起身全部要人幫)，我地圍哂o係籠前面encourage佢自己行，好似d bb爬行比賽入面d父母咁=.=佢快d行到就好啦^^!!!!!!!!!因為可以快d走唔洗招呼佢主人

~今個月有機會跟醫生，琴日跟醫生，真係覺得自己好不濟，雖然我"係新人，唔識冇人話你"，但係都有d氣餒lor，跟醫生要轉數快動作快乜都要快，我就乜都慢

~工作要有令你有成功感先可推動自己投入甚至喜愛你ge工作。試過成功獨自餵一隻惡狗食野，唔洗人幫，呢樣已經令我增加左丁點信心

長篇大論的一個總結

p.s 而家已經開始諗梗下次旅行去邊好，但係我d大假.....要一年後先有.....好灰

而家掛幾號風球紅雨黑雨都唔關我事,點都要返工,冇得避

真係寧願佢掛唔成,唔係因間又冇車搭,又勁多人,拿手唔成世咁仲阻住我返工

如果我咁講一定俾全世界打工仔打電

其實可以既話我都唔想返,就算佢俾幾多錢我都唔返,我要放假唔要錢!!!!

P.S. 開會x10000...HELP